Një argjendari në Tiranë u grabit në orët e para të mëngjesit të sotëm në mënyrë spektakolare. Të paktën 10 kilogram ar dhe rreth 30 kilogram argjend raportohet se është marrë ngna grabitësit sipas dëshmive të pronarëve.
Grabitja në zonën e “Pazarit të Ri” është kryer duke vënë në zbatim një plan që ngjason me një skenar hollivudian.
Autorët kanë hyrë brenda duke çarë murin e godinës ngjitur. Grabitja ka ndodhur rreth orës 4 të mëngjesit ndërkohë konstatimi u bë vetëm kur prnoanri hapi biznesin disa orë më vonë. Kjo argjendari u grabit edhe disa muaj më parë.
Njoftimi i policisë:
“Më datë 08.10.2016, rreth orës 04:00, tek Sheshi “Avni Rustemi”, është vjedhur argjendaria e shtetasit P. Sh. Nga kqyrja e vendit të ngjarjes rezulton se vjedhja është kryer duke përfituar nga godina në krahë e cila është në ndërtim e sipër, nga ku është hapur në mur një dritare dhe më pas kanë hyrë në argjendari. Grupi hetimor po punon për gjetjen dhe vënien para përgjegjësisë ligjore personat e përfshirë në këtë ngjarje.”
