Arrestohet i treti person i bandës së kokainës që vepronte në Tiranë. Në orët e vona të mbrëmjes së të enjtes u arrestua shtetasi në kërkim Armond Kurti, 41 vjeç, banues në Tiranë. Ai është shpallur person në kërkim policor për veprën penale “Prodhim shitje të lëndëve narkotike”. Arnold Kurti rezulton me profesion zyrtar pranë drejtorisë rajonale të patentave. Arrestimi i Kurtit vjen disa orë pas arrestimit të dy miqve të tij që u kapën në flagrancë me 1 kg kokainë në sajë të operacionit “January”. Të tre personat prisnin klientët për të këmbyer 1 kg kokainë me para në qendër të kryeqytetit në rrugën “Vllazën Huta”.
1. Gjergji Gjinaj, 49 vjeç, banues në Tiranë, i dënuar më parë për “Prodhim dhe shitje të lëndëve narkotike”.
2. Ismail Alushi, 53 vjeç, banues në Tiranë, i dënuar më parë për “Fallsifikim të dokumentave”.
Shtetasit e lartë përmendur, dyshohen se të tre personat në bashkëpunim me njëri-tjetrin kryenin aktivitetin kriminal të shitjes së lëndëve narkotike, te llojit Kokainë dhe Heroinë, në zona të ndryshme të Tiranës.
Lëndën narkotike e siguronin tek shtetasi Ismail Allushi.
Më datë 25.01.2017, rreth orës 21:00, në Rrugën “Vllaznit Huta”, është konstatuar automjeti tip Fiat “500”, me drejtues mjeti shtetasin Gjergji Gjinaj, rreth 10 metra më larg është konstatuar i parkuar automjeti tip Audi, me drejtues shtetasin A. K., i cili kontrollonte lëvizjet e personave dhe automjeteve në këtë rrugë.
Menjëherë është bërë ndërhyrja nga ana e shërbimeve dhe kapja e shtetasit Gjergji Gjinaj, por në momentin e ndërhyrjes ka arritur të largohet me shpejtësi me automjetin e tij shtetasi A. K., duke mos ju bindur thirrjeve për të ndaluar.
Por arratia e Kurtit ka zgjatur shumë pak pasi në orët e vona të mbrëmjes së djeshme është vënë në pranga i treti i grupit.
Nga kontrolli i ushtruar në automjetin tip Fiat është konstatuar një sasi me lëndë të dyshuar narkotike të llojt “Kokaine”, e cila rezultoi me peshë 978 gramë.
Nga informacionet e marra dhe nga kushtet e flagrancës, është ushtruar kontroll në banesën e shtetasit Ismail Allushi ku nga kontrolli i ushtruar është konstatuar një dozë e dyshuar lëndë narkotike e llojit “Heroinë”.
Gjithashtu nga kontrolli i banesës së shtetasit Gjergji Gjinaj, është gjetur një sasi prej 12.5 gramë lëndë e dyshuar narkotike e llojt “Kokainë”, një peshore elektronike si dhe shuma monetare prej 6750 euro.
Në cilësinë e provës materialejanë sekuestruar:
– 990 gramë lëndë e dyshuar narkotike e llojt Kokainë.
– 0,6 gramë lëndë e dyshuar narkotike e llojt Heroinë.
– 1 pushkë sportive.
– 12 aparate celularë të markave të ndryshme.
– 2 automje të markave të ndryshme.
