Një person në Tiranë, akuzohet për ngacmim seksual ndaj dy fëmijëve të tij të mitur dhe për dhunë ndaj nënës së tyre. Denis Sh., 32 vjeç, banues në Tiranë, i dënuar më parë për “Prodhim dhe mbajtje pa leje të armëve luftarake”, dyshohet se në banesë ka ngacmuar seksualisht fëmijët e tij të mitur A. Sh., 7 vjeç dhe U. Sh., 6 vjeç.
Ka qenë ish- bashkëshortja e tij, ajo e cila ditën e djeshme ka bërë denoncimin në komisariatin e policisë nr.3 në kryeqytet, ku ka thënë se ndërsa vetë i ka duruar ngacmimet dhe shqetësimet që ishin të përsëritura, tek fëmijët nuk ka duruar.
29- vjeçarja R.M., ka thënë parë uniformave blu se 32- vjeçari, ka ushtruar dhunë psikologjike, e kryer vepra të turpshme, ndaj saj.
Gruas i’u plotësua kërkesë padia për lëshimin e urdhrit të mbrojtjes së menjëhershëm, për shkak se dhuna dhe abuzimet ndaj saj rezultojnë të përsëritura.
Por ajo ka thënë se kohëve të fundit në një rast, ka kryer vepra të turpshme edhe ndaj fëmijëve të tyre. Lidhur me këtë rast vijojnë ende hetimet, ndërsa po punohet për zbardhjen e plotë të rrethanave të ngjarjes. 32- vjeçari u arrestua nga policia nën akuzën e dhunës në familje dhe vepra të turpshme.
