Një ngjarje rëndë ka ndodhur gjatëorëve të para të mëngjesit, duke u gdhirë e hëna në Tiranë. Një person është dhunbuar rëndë brenda banesës së tij nga dy persona që kishin hyrë për të grabitur.
“Më datë 24.04.2017, rreth orës 02:30 në numrin e emergjencave civile 112 në Drejtorinë Vendore të Policisë Tiranë ka ardhur një telefonatë se në rrugën “Kastriotët” tek pallati “CLASS” është tentuar të vidhet me dhunë banesa e shtetasit A. V., 60 vjeç, banues në Tiranë. I zoti i banesës është përleshur fizikisht me dy shtetasit të cilët kanë tentuar për t’i vjedhur banesën”, bën me dije policia.
Si pasojë e përleshjes ka mbetur i dëmtuar i zoti i banesës i cili është dërguar menjëherë në Spitalin Ushtarak Tiranë ku ndodhet nën kujdesin mjekësor dhe jashtë rrezikut për jetën
Nga ana e Specialistëve të hetimit krimeve të Komisariatit Nr 3 është bërë e mundur identifikimi i njërit prej autorëve të dyshuar të kësaj ngjarje i cili është shpallur në kërkim dhe konkretisht shtetasi:
– R. M. 26 vjeç, banues në Tiranë
Ky shtetas në bashkëpunim dhe me një person tjetër ende të paidentifikuar kanë tentuar të hynë me dhunë në banesën e shtetasit A. V., ku pasi janë përleshur fizikisht me të zotin e banesës janë larguar me shpejtësi nga vendi i ngjarjes.
Po punohet për kapjen e tij, dhe identifikimin e autorit tjetër.
Materialet i’u kaluan Prokurorisë pranë Gjykatës së Shkallës së Parë Tiranë për veprën penale të “Vjedhjes me dhunë e kryer në bashkëpunim“ dhe “Mbajtjes pa leje të armëve të ftohta” e parashikuar nga Nenet 139, 279 dhe 25 të Kodit Penal.
/JavaNews/a.m.
