Një sherr mes dy të rinjve dhe ndërprerja e lidhjes mes tyre, ka bërë që një djalë të hakmerret ndaj ish- të dashurës.
Gjatë ditës së djeshme u referuan në Prokurorinë e Tiranës, materialet në ngarkim të K.A., 25 vjeç, banues në Tiranë, i cili është shpallur në kërkim.
I riu dyshohet se te një kompleks në Farkë, në garazh, ka djegur me benzinë, mjetin tip “BMV”, në pronësi të 25- vjeçarjes A.H.
Bazuar në dëshminë e së resë, Noa.al mëson se 25- vjeçarja e ka gjetur makinën të djegur mëngjesin e së hënës. Ajo është drejtuar në polici ku ka thënë se dyshon tek ish- i dashuri i saj, me të cilin ishte grindur prej pak kohësh dhe ishin ndarë.
Madje ajo ka thënë më tej se ai ishte xheloz dhe prej disa kohësh nuk e linte të qetë, duke mos pranuar fundin e lidhjes.
Pas denoncimit të saj dhe në bazë të hetimeve të policisë, autori i dyshuar mendohet të jetë 25- vjeçari./a.k
