Gjykata e Apelit Tiranë la në fuqi vendimin e dhënë më herët për Qirjako Nakuçin, i dënuar me 15 vjet burg për abuzim seksual ndaj të bijës. Ngjarja e rëndë u bë publike në vitin 2018, atëherë kur e bija denoncoi në polici abuzimin që i bëhej prej vitesh.
Vajza, e cila kur bëri denoncimin ishte 25-vjeçe, tregoi se gjithçka kishte nisur kur prindërit ishin ndarë në 2002-n, kur ajo ishte vetëm 9 vjeçe. Ajo rrëfeu në polici se në moshën 19-vjeçare nga incesti kishte mbetur shtatzënë dhe kishte abortuar. Pasi denoncoi rastin në polici, ajo u strehua në një qendër për murgeshat.
64-vjeçari Qirjako Nakuçi, në kohën kur u arrestua tha e gjithçka kishte qenë me dëshirën e vajzës dhe mohoi përdhunimin.
Ndërsa në apelimin që i bëri dënimit të dhënë nga Gjykata e Tiranës, Nakuçi kërkoi pafajësi, me pretendimin se gjithçka ishte sajesë nga e bija dhe ish-bashkëshortja e tij.
/a.r
