Mëngjesin e sotëm ishin të ftuar në “Wake Up” në Top Channel, Gëzim Tushi dhe Shkënda Lili, të cilët folën në lidhje me tradhtinë.
Moderatori i njohur, Isli Islami iu drejtua detektives private me pyetjen: “Cilat janë qytetet ku tradhtohet më shumë, do na japësh pak një mini listë?”.
Sipas Lilës, Tirana është në vendin e parë dhe që në kryeqytet ka punë më shumë.
Biseda në studio:
Shkënda: Tirana është ajo që mbizotëron më shumë dhe që unë kam më shumë punë. E padiskutuar kjo
Isli: Të lutem, se ne habitë më të mëdha na kanë ardhur nga qytete disi më periferike. Ku tradhtohet më shumë se ndoshta ke më shumë raste që ti dëgjon apo merresh me to?
Shkënda: Rastet që unë merrem më shumë është Tirana, por tradhtitë ndodhin në çdo qytet sigurisht. Se njerëzit njësoj janë si në Tiranë, si nëpër qytetet e tjera. Por Tirana është metropol, vijnë nga të gjitha anët dhe aty mblidhen të gjitha dhe aty bëhet tradhtia, bëhet më e hapur. Ndërsa në qytetet e tjera bëhet më e fshehtë sepse nuk kanë shumë mundësi ku të takohen e si të takohen. Tirana ka më shumë hapësira për të tradhtuar.
Tushi: Anonimiteti urban e ndihmon shumë këtë gjënë. Në Tiranë kemi mundësinë të jemi anonim, kurse në qytetet e vogla dhe ato periferike je i zbuluar, nuk ke nevojë fare për detektivë. Detektivët janë në çdo cep rruge dhe e kuptojnë atë kur ke një lidhje jashtëmartesore, sepse edhe ambientet për ta ushtruar këtë lidhje dhe për të realizuar favorin seksual apo favorin erotik, çfarëdo që të jetë, nuk i ke kushtet. Kurse në Tiranë kushtet janë ideale për t’i realizuar këto.
/e.d
