Sekretari amerikan i Shtetit, Rex Tillerson i cilësoi sot qesharake spekulimet në lidhje me zëvendësimin e tij të ardhshëm nga ana e Donald Trump.
I pyetur në lidhje me informacione qarkullojnë në media prej ditës së djeshme, ku sipas tyre Shtëpia e Bardhë synonte t’a shkarkonte atë së shpejti, madje duke e detyruar për të dhënë dorëheqjen, ministri thjesht iu përgjigjet se është vërtetë qesharake.
Ky është reagimi i parë që prej raportimit të New York Times, të enjten në mëngjes, që presidenca amerikane po punon për një riorganizim të mundshëm për t’a zëvendësuar Tillerson me drejtorin e CIA-s, Mike Pompeo në javët e ardhshme.
”Donald Trump dhe Shtëpia e Bardhë më pas kanë lënë vend për dyshime, pa përgënjeshtruar në mënyrë të prerë një hipotezë të tillë. Nuk ka njoftime deri në këtë stad”, komentoi presidenca.
Dhe disa media amerikane, përfshirë CNN konfirmuan se rrjedhjet fillestare të informacioneve kishin si qëllim për të vënë në pozitë të vështirë Rex Tillerson për t’a shtyrë më pas drejt dorëheqjes.
Sekretari i Shtetit ” e pëlqen detyrën e tij” por është në dispozicion të presidentit, u shpreh dje nga ana e saj, zëdhënësja e diplomacisë amerikane.
Marrëdhëniet mes Rex Tillerson, ish-CEO i gjigantit të naftës ExxonMobil rishtar në politikë, dhe Donald Trump janë dukshëm të vështira. Dy burrat kanë patur mosmarrëveshje publike për disa çështje, si ngrohja klimatike, Irani duke kaluar nga Koreja e Veriut dhe kriza e Gjirit, ku presidenti shpeshherë ka shpërfillur haptazi ministrin e tij./b.d
