Kryeministri Edi Rama në takimin e tij me kryebashkiakët e vendit, ju ka kërkuar këtyre të fundit që t’i vendosin gishtin kokës, pasi mandati tretë i Partisë Socialiste do kërkojë një përkushtim të trefishtë për t’i shërbyer popullit.
“Arsyeja e parë themelore se pse ju thirra është që ju të gjithë t’i vini gishtin kokës se mandati jonë i tretë kërkon një përkushtim të trefishtë për t’i shërbyer popullit”, tha ai.
Në fjalën e tij, kryeministri Rama theksoi se përgjatë takimit të tij të djeshëm me drejtuesit vendor të policisë së shtetit, i kishte rënë në sy një detaj, që e vendoste theksin se kryeministri kishte vepruar shumë vonë.
“Më ra në sy se pas takimit të djeshëm me drejtuesit vendor të policisë së shtetit, disa më kujtuan se unë isha kujtuar vonë për të kërkuar një kurs për ndryshim në Polcinë e Shtetit. Kjo nuk është aspak e vërtetë, sepse unë nuk jam kujtuar vonë dhe as gjërat nuk ishin kështu në Policinë e Shtetit kur ne u nisëm. Nëse ne do të shohim majën ku duam të ngjitemi është absolutisht e pamjaftueshme”, u shpreh Rama.
Ai, deklaroi përballë kryebashkiakëve se kush luan me taksat e shtetit dhe kush fuat duart në xhepat e qytetarëve do jetë vetëm, i vetëm me avokatin personal dhe përballë drejtësisë.
Rama u ndal edhe tek thelbi i këtij takimi, i cili ishte reformimi i prokurimeve publike.
Kryeministri kërkoi nga kryebashkiakët e vendit garancinë për të ofruar cilësi, transparencë dhe shpejtësi.
g.kosovari
