Deputeti Myslim Murrizi është shprehur kundër draftit të hartuar nga ekspertët për Reformën Zgjedhore, teksa ka theksuar se opozita nuk do ta votojë në parlament atë.
“Pijini lëngun, s’i votojmë këtë draft”, tha Murrizi.
Drafti i dytë i hartuar nga ekspertët, i cili u publikua sot në media, e vendos theksin te reformimi tërësor në tri nivele i administrimit zgjedhor në Shqipëri duke e depolitizuar. Me propozimet e reja, Komisioni Qendror i Zgjedhjeve (KQZ) riformatohet si institucion me përgjegjësi të ndara, në kompetenca dhe autoritete ushtruese të tyre.
Por si do të riformatohet KQZ?
Me propozimet e reja, nëse do të arrijnë konsensusin dhe të miratohen në komision;
Komisioni Qendror i Zgjedhjeve do përbëhet nga:
Komisioneri Shtetëror i Zgjedhjeve;
Komisioni Rregullator; dhe
Komisioni i Ankimimeve dhe Sanksioneve.
