Ditën e djeshme në parlament, mungesa e opozitës nuk është ndjerë pasi debatet nuk kanë munguar. Ka qenë deputeti socialist Ben Blushi ai i cili ka bërë oponencën me maxhorancën, dhe në disa momente ka patur edhe tensione, të cilat kamerat dhe mikrofonat nuk i kanë kapur. Një moment i tillë ka qenë atëherë kur Blushi ishte duke folur nga podiumi dhe është ndërprerë nga deputetja Blerina Gjylameti.
Ja debatet
Blushi: Beson që ti (Tahiri) vërtet e ke këtë tagër, për të më treguar mua se cfarë është një socialist. Unë nuk po paguaj cmimin e të qenit socialist, nqs ke socialist që po mbrojnë përdhunuesin! Unë nuk e paguaj këtë cmim, nqs të jesh socialist, do të thotë të shkosh në gjykatë e të të thonë se ke abuzuar me fondet publike! Unë nuk e paguaj cmimin e të qenit socialist, nëse kjo parti, nuk mbron, por cënon cdo ditë interesin publik. Nuk është PS detyrimisht në konflikt me interesin publik, por është ajo që unë quajta vëllazëria e vesit… ti po mbron Rilindjen!
Bie sinjali për përfundimin e fjalës
Blushi-Shpëtim Idrizit: Të lutem, hiqe atë fishkëllimën se më duket sikur flet njëri nga këta.
Shpëtim Idrizi: Zoti Blushi, ju lutem mbylleni fjalimin se ju ka kaluar koha e replikës. Mundohu ta përmbledhësh dhe ta përfundosh…
Blerina Gjylameti: Pse duhet të përfundojë ai…
Blushi: Ti cfarë ke…? Shiko unë kam dalë për të folur për interesin publik! Ti rri aty se je rilindase e devotshme
Blerina Gjylameti: Nuk kam asgjë, por mos iu drejto njerëzve ashtu. S’je askush…
Blushi: Aq më pak ti Sajmir tmë tregosh mua se cfarë është të jesht socialist… nëse të jesh socialist do të thotë të jesh si Elvis Roshi, unë nuk jam socialist! Nëse të jesh socialistë, do të thotë të jesh Kokëdhima, Prenga, Ndoka, Shukri Xhelili, atëherë unë nuk jam socilalist!
Ka vetëm një mundësi për ju! Historia ka një vend për të gjithë ata që bëhen me krimin!
Braçe: Le të shkojë në parti dhe ta ndajë atje, është socialist njëri apo tjetri. Nëse nuk i mjafton partia le të shkojë në anëtarësi, është e thjeshtë. Nëse doni ju tju them se kush është PS, është ajo që ka bërë ligjin, që nuk mbron asnjë keqbërës! Por ka parti këtu që kanë mbrojtur kriminelët! Ja se përse Berisha dhe çeta e tij janë ende këtu! Kanë vrarë mu në mes të bulevardit! Këtyre nuk u përmendet as emri! Kështu që, më shumë sesa të merremi me këtë, le të merremi me rendin e ditës dhe me ligjet që janë për tu miratuar.
