Presidenti rus, Vladimir Putin urdhëroi ushtrinë ruse për “masa të ashpra ekstreme”, kundër cdo kërcënimi për trupat e saj në Siri. Në një takim me zyrtarët e mbrojtjes, shefi i Kremlinit kërkoi “të shkatërrohet menjeherë cdo shenjestër”.
Putin nuk foli për kërcënime specifike, por kohët e fundit, tensioni më i madh i krijuar është ai me Turqinë, pas rrëzimit të avionit ushtarak rus. Marredheniet mes dy vendeve jane ne piken me te ulet dhe per situaten eshte e shqetesuar edhe NATO, pjese e te ciles eshte Turqia.
Megjithate Putin kërkoi të bashkëpunohet me forcat ajrore të Izraelit, për sigurinë ajrore dhe forcat e koalicionit, të udhëhequra nga Shtetet e Bashkuara.
Ai tha gjithahtu se terroristet në Siri janë kërcënimi më i madh për Rusinë.
Ndersa ministri rus i Mbrojtjes, Sergej Shoigu –gjatë fjalës së tij- u shpreh se Shteti Islamik po zgjerohet, duke patur nën kontroll rreth 70 % të territorit të Sirisë me 60 mijë militantë në Siri dhe Irak. Sipas tij, ekziston rreziku i afrimit të ISIS-it në Azinë Qendrore dhe Kaukaz.
