Kryeministri Edi Rama ka ftuar sërish kryetarin e Partisë Demokratike për dialog në mënyrë që të arrihet te konsensusi për çështjen e kryeprokurorit. Përmes rrjeteve sociale, Rama fton kreun e opozitës për herë të 4-t për dialog.
Shefi i qeverisë kërkon nga Basha të ulen në tryezë në mënyrë që sipas tij të vënë drejtësinë mbi frikën nga drejtësia. Ai shkruan në mesazhin e tij se negociatat me BE duhet të ngrihen mbi gjithçka që i ndan politikisht.
“LB është koha për të vënë drejtësinë mbi frikën nga drejtësia;dialogun mbi çdo mjet tjetër politik;negociatat me BE mbi gjithçka na ndan🇦🇱”, shkruan Rama në rrjetet sociale.
Ndërkohë, kreu i opozitës në përgjigjet e dhëna më herët ka deklaruar se pakti i vetëm është zbatimi i kushtetutës. Ai ka refuzuar dialogun teksa ka argumentuar se po kërkohet një pazar, qëndrim që është shprehur edhe nga deputetët e opozitës./a.m.
