Ministria e Mbrojtjes pas ngjarjes, mbi alpinistin e plagosur sot në Malin e Tomorrit, tha se ka dërguar një helikopter të Forcave Ajrore.
Alpinisti mbeti i plagosur sot në Malin e Tomorrit, pasi ka rrëshqitur gjatë ngjitjes dhe për pasojë ka thyerë këmbën. Ngjarja ndodhi mesditën e sotme në afërsi të Çesmës së Tarikos.
Alpinistët ishin nisur në mëngjes nga Qafa e Dardhë në Librazhd drejt Malit të Tomorrit.
Tre bashkëudhetarët e tij të cilët e nxorrën nga vendi ku kishte rënë, nëpërmjet celularit kanë arritur të thërrasin për ndihmë tek Emergjencat Civile.
Pass ngjarjes, helikopteri i Ministrisë së Mbrojtjes, do ta transportojë aplpinistin tek Spitali i Traumës, në Tiranë.
Katër alpinistët kishin kaluar Çesmën e Tarikos dhe po i drejtoheshin pikës më të lartë të Malit të Tomorrit, në momentin kur njëri prej tyre rrëshqiti dhe si pasojë theu këmbën.
Ende nuk dihet identiteti i katër alpinistëve.
/a.r
