Themistokli Gërmenji, francezët dhe negociatat*

Nga Ardit Rada

Gjatë Luftës së Parë francezët pushkatuan në gjyq ushtarak Themistokli Gërmenjin. Në akuzën e ngritur ai përmendej si tradhtar i Republikës Autonome të Korçës, themeluar nga forcat lokale të Francës.

I pyetur nëse kishte diçka të fundit për të shtuar, Gërmenji para plumbit në vitin 1917 tha: “Nuk jam betuar ndonjëherë për besnikëri ndaj Francës, që sot të akuzohem për tradhti”.

Kjo sa për t’ju thënë se pas pushkatimit të Themistokliut, nisi proklamimi i miqësisë franko-shqiptare duke e renditur Francën kundër planeve për një të ardhme të mëvetme të Shqipërisë.

Jo se shqiptarët duheshin mbajtur urtë apo larg, por për t’i dhënë fracezët vetes të drejtë për vendimin në fjalë, për shumë vendime të tjera që vijuan.

Më pas u ndërtua Liceu Kombëtar i Korçës si tregues i kësaj dashamirësie nga Perëndimi, por edhe si hapësirë në kulturën shqiptare ku të ndikonte frankofonia. Dhe jemi me fat për këtë sepse kultura askund, asnjëherë nuk ka qenë e lidhur me politikat dhe investimet afatgjata të shteteve, si ky rast.

Sepse Franca është e Monteskjesë, e Zhan D’Arkut, Bonapartit, Hygosë dhe deri tek Zinedine Zidane, Coco Chanel apo Louis Vuitton, me të cilat sot shqiptarët vishen të sforcuar që të jenë të pranueshëm për europianët si Macron.

Sot, Shqipëria që merohet prej kohësh për pak negociata, dhe e priste “JO”-në nga Nils Holgerssoni i Skandinavisë, e gjen derën me shul nga Parisi .

Sepse Franca nuk është betuar kurrë për besnikëri, që sot të akuzohet se na preu në besë. Dhe Korçën fundja e kemi shpallur ne si Paris të Vogël, dhe jo ata!

*Facebook