Deputetja e Partisë Demokratike Orjola Pampuri tha për Euronews Albania se grupimi i Rithemelimit, e çoi Partinë Demokratike drejt katastrofës, pasi sipas saj rezultatet e zgjedhjeve vendore të 14 majit ishin katastrofike.
Ajo tha se e gjitha kjo është si pasojë e mos daljes me një kandidatë të vetëm dhe e mosbashkimit të Partisë Demokratike.
Pampuri shtoi se në mbledhje Partia Demokratike e udhëhequr nga Alibeaj ka qenë më e gatshme për një bashkim, pasi propozuan që kandidatët demokrat të dilnin në zgjedhje nën logon e Partisë Demokratike, por ata zgjodhën bashkimin me Metën,
“Ne e shtrimë dorën që kandidatët të vinin të kandidonin nën logon e Partisë Demokratike edhe pse ishim kundër primareve pasi u bënë të njëanshme. Nuk e pranuan bashkimin, pranuan bashkimin me Ilir Metën, pranuan që ata demokratë që kishin me vete të shkonin me Ilir Metën, rrinin e thoshin që ne shumica e ju pakica, vijuan me këtë rritëm e ja ku jemi.
Duhet të dilnim të gjithë me një kandidat nën logon e Partisë Demokratike. Nuk u arrit, e çuan Partinë Demokratike në katastrofë. Ky rezultat është mirëfilli rezultat katastrofik. Edhe pse dalin e ankimojnë, sepse ka pasur por edhe në 2021 kishte vjedhje, përdorim administrate e të tjera me radhë, por me një humbje kaq të thellë duhet edhe një analizë.
Nuk mund të dalësh sa herë që humbet të tregosh gishtin e të thuash “ai e kishte fajin”, nuk mund të përsërisësh të njëjtin refren”,-tha Orjola Pampuri./m.j
Z pampuri jane te rradhe ata qe e duan te verteten,ne vecanti kta persona qe jane mesuar qe ne embrion me rrena,mashtrime e krime.Te tlle jane,sja u permende dote emrat,nga neveria qe kame per dy monstrat,ai i vicidolit,e ai i cepanit.Per kta fajet gjithmone i kane pasur e i kane te tjerte.Prandaj po u morte me kta keni vetem humbje kohe,lerini kta pergjigjen e moren me 14 maje.U rrefezuan nga zgjedhsit,le te thyen qafen,edhe tjerte kushe eshte si kta.