“Kriminelët shqiptarë në Angli kapardisen duke publikuar foto së bashku me mijëra paund”, kështu e nisur artikullin e saj THE SUN.
Kriminelët sipas gazetës prestigjoze britanike janë ekspertë në këtë punë dhe mburren vazhdimisht në rrjetet sociale për atë që zotërojnë.
Agjencia Kombëtare e Krimit në Britani, i ka quajtur shqiptarët një kërcënim të madh, për shkak të lidhjeve të tyre me drogën, marrëdhënieve të ngushta me kriminelët në Amerkën e Jugut dhe lidhjeve të forta me rrjetin e trafikimit të qenieve njerëzore që shfrytëzohen për seks.
“Grupet e krimit Shqiptarë kanë krijuar një profil të lartë brenda krimit të organizuar në Britani,”- thotë Agjencia Kombëtare e Krimit.
Artikulli i “The Sun” është shoqëruar me disa foto të trafikantëve shqiptar, disa prej të cilëve janë duke vuajtur dënimin në burg për krime të ndryshme.
Midis atyre që shihet në foto është Olsi Behluli i cili po vuan dënimin me 11 vite burg për trafikim heroine. Ndërsa një 24 vjeçar u zbulua nga Policia pas fotos së tij në rrjetin social i rrethuar nga 250.00 pound.
Luan Plakici i cili ka shfrytëzuar për 23 vjet, 60 femra për prostitucion, është parë në një divan duke mbajtur një shumë parash dhe një fletore shënimesh.
Ardi Beshiri, ishte i burgosur kur në çorapet e tij, gjatë kontrollit i’u gjet një sasi kokaine. Më parë ai kishte postuar një foto në rrjetet sociale duke mbajtur në shpinë një shumë parash.
Ndërsa Bes Besiaj, një tjetër kriminel sipas “The Sun”, ka publikuar një foto duke “ngrënë” para.
Pak ditë më parë ambasadori i Britanisë së Madhe Duncan Norman MBE gjatë një vizite në Shkodër theksoi “Kokaina mbetet shqetësim, pasi një pjesë e madhe e tregut administrohet nga shqiptarët. Kjo është një çështje që po bashkepunojmë me qeverinë në Tiranë për t’i luftuar.”
