EIS Media kanë njoftuar se gazeta The Independent shpejtë do të shpallet gazeta e parë kombëtare që kalon nga shtypi në media online. Ky veprim do ta pozicionojë këtë gazetë në rritje më të shpejtë të cilësisë së faqeve te gazetave të Britanisë së Madhe, gjithashtu do të sigurojë një të ardhme të qëndrueshme dhe fitimprurëse. Rritja e shpejtë e mediave online në tri vitet e fundit ka bërë që The Independent të bëhet faqja me shikueshmërinë më të madhe në të gjithë Britaninë.
Audienca mujore e gazetës është rritur për 33.3% në 12 muajt e fundit, që i përfshin 70 milionë përdorues global. Rritje të shikueshmërisë në të ardhmen për këtë gazetë online do të këtë deri në 50% brenda këtij viti. Evgeny Lebedev, pronar i The Independent, ka thënë: “Industria e gazetës po ndryshon, por që këtë ndryshim e kanë bërë lexuesit. Ata po na tregojnë se e ardhmja e mediave është dixhitalizimi. Ky veprim na lejon që të vazhdojmë të investojmë në përmbajtjen e cilësisë së lartë editoriale që është duke tërhequr gjithnjë e më shumë lexues në platformat tona online”, ka thënë ai.
“Familja ime ka investuar shumë në The Independent, sepse ne besojmë në gazetari më cilësi të klasit botëror dhe ky veprim siguron të ardhmen e këtyre vlerave jetike të rëndësishme editoriale”, është shprehur pronari i The Independent.
