“Në Shqipëri, korrupsioni është pjesë e përditshmërisë. Njërëzit flasin se nëse u duhet të shkojnë në spital, ato detyrohen të paguajnë mjekët për të marrë trajtimin më të mirë. Apo, nëse shkojnë për regjistrimin e pasurisë (hipotekë), u kërkohet të paguajnë ryshfet”.
Kështu e nis shkrimin e saj e përditshmja britanike “The Guardian” e cila thekson se kjo kulturë jo vetëm që ka ndikuar në marrjen e shërbimeve, por ka dëmtuar imazhin e Shqipërisë në arenën ndërkombëtare.
Duke përmendur programet e UNDP në vendin tonë dhe rezultatet e tyre, “The Guardian” thekson se kryeministri Rama beson se qeveria e tij është në drejtimin e duhur.
“Ne kemi treguar se mund të bëjmë reforma pozitive, por sigurisht ne nuk i kemi zgjidhur të gjitha problemet e vendit” – citohet Rama.
*Në foton e The Guardian, kartmonedha të prodhuara me fytyrën e Ramës nga Partia Demokratike.
