Komisioni Hetimor parlamentar do të marrë sot në pyetje Presidentin e Kosovës Hashim Thaçi dhe kryeministrin Ramush Haradinaj, lidhur me deportimin e gjashtë shtetasve turq. Deportimi i tyre ndodhi në mars të këtij viti.
Mësohet se seanca në komision do të nisë rreth orës 11:00. Siç raportojnë mediat kosovare, më herët Thaçi dhe Haradinaj u thirrën në komision për të dhënë sqarimet e tyre rreth kësaj çështje, por për shkak të angazhimeve politike, pasi ishin jashtë vendit, kjo seancë u shty.
Po ashtu bëhet e ditur se pas tyre në pyetje do të merret edhe sekretari i Përgjithshëm i Ministrisë së Punëve të Brendshme, Lulzim Ejupi.
a.ç
