Presidenti i Kosovës, Hashim Thaçi, ka dënuar sulmin që ndodhi në një klub nate në Orlando të SHBA-së ku mbetën të vrarë 50 persona dhe 53 të tjerë të lënduar.
Thaçi e ka vlerësuar këtë sulm si akt monstruoz dhe ka shprehur dhimbjen për viktimat.
“Dënoj fuqishëm këtë akt monstruoz të dhunës në Orlando të Floridës. Zemrat dhe mendjet tona janë më viktimat dhe familjet amerikane. Kosova qëndron me SHBA-të dhe popullin e saj”, ka shkruar Thaçi në Twitter.
Ndryshe, për këtë sulm përgjegjësinë e ka marrë i ashtuquajturi Shteti Islamik (IS), transmeton “zeri.info”. (b.an)
