olicia e Dibrës zbardh ngjarjen e ditës së djeshme ku një person u paraqit në Spitalin e Peshkopisë i plagosur me armë zjarri.
Pas kryerjes së veprimeve hetimore nga Policia rezultoi se personi dyshohet se ka bërë kallzim të rremë, pasi është vetëplagosur dhe nuk është qëlluar nga të tjerë.
Policia ka sekuestruar pistoletën me të cilën u vetëplagos, ndërsa Andi Losha, 39-vjeç, është ndaluar nga Policia për 2 vepra penale.
Deklarata e Policisë:
“Gjatë ditës së djeshme rreth orës 15.00, jemi njoftuar nga urgjenca e spitalit rajonal Peshkopi se ka ardhur i plagosur me armë zjarri në pulpën kembës së djathtë jashtë rrezikut për jetën shtetasi Andi Losha, 39 vjeç.
I dëmtuari i deklaroi Policisë se në një rrugë të fshatit Kacni është qëlluar njëherë me armë zjarri por personin që e ka qëlluar nuk e ka parë.
Menjeherë është organizuar puna nga ana e Policisë për zbardhjen e kësaj ngjarje, ku pas veprimeve të shpejta hetimore të kryera nga ana e Specialistëve për Krimet e Rënda në D.V.P.Dibër në bashkëpunim dhe me Prokurorinë Dibër, është bërë e mundur zbardhja dhe dokumentimi i plotë i ngjarjes ku ka rezultuar se i dëmtuari është vetplagosur aksidentalisht me një armë zjarri Pistoletë.
Pak metra me larg vendit të ngjarjes Policia ka gjetur të fshehur armën e zjarrit e cila është konstatuar së bashku me gëzhojën e bllokuar në folenë e fishekut.
Ndodhur në këto kushte Specialistët e Sektorit për Krimet e Rënda në D.V.P Dibër kanë bërë ndalimin e shtetasit :
Andi Losha 39 vjeç, banues në Kacni, Dibër, me detyrë përgjegjës i HEC në Kacni.
Janë gjetur dhe sekuestruar në cilësinë e provës materiale rrobat e dëmtuara nga arma e zjarrit , pasi pas vetplagosjes shtetasi Andi Losha i kishte ndërruar rrobat dhe i kishte fshehur.
Si dhe është sekuestruar predha e nxjerrë nga trupi i Andi Loshës.
Provat materiale do të dërgohen për ekzaminim në laboratorin kriminalistik në Tiranë.
Materialet proceduriale i kaluan Prokurorisë Dibër për veprat penale “Mbajtje pa leje e armëve luftarake”, “Kallzim i rremë”, parashikuar nga nenet 278/3 dhe 305 të Kodit Penal.”
