Patriarku i Kishës Ortodokse të Ukrainës, Filaret, është infektuar me COVID-19. Mediat e huaja shkruajnë se kleriku 91-vjeçar pas testit të kryer ka rezultuar pozitiv me koronavirus.
Kisha Ortodokse e Ukrainës, njofton se kleriku është shtruar në spital dhe kushtet shëndetësore të tij janë të mira.
“Shenjtëria e Tij Patriarku Filaret i Kievit doli pozitiv me Covid-19, tani është i shtruar në spital dhe kushtet e tij shëndetësore konsiderohen të kënaqshme“, shkruhet në njoftim.
Filaret pak muaj më parë ishte në qendër të mediave për shkak të deklaratave të tij se COVID-19 ishte një ndëshkim i Zotit për homoseksualët.
Pas këtyre deklaratave pati shumë reagime kundër tij dhe ‘Amnesty International’ i quajti rrezikshme që sjellin vetëm dhunë.
/e.rr
