Një shqiptar është dënuar me 8 vjet burg për prodhim dhe shpërndarje kokaine dhe heroine. Shqiptari, i njohur me emrin Fitim Selimi përdorte dy apartamente luksoze si laboratorë droge, që gjendeshin në qendër të Londrës dhe kapnin vlerën e gjysmë milioni paund.
Fitim Selimi është 29 vjeç, i papunë, por me dy apartamente luksoze në jug të Londrës, në një nga vendet më të kërkuara.
Ai u shpall fajtor për prodhim droge, që kam vlerën e 1 mln paundëve dhe për blerje pronash me para që vijnë nga aktiviteti kriminal.
Atij i janë sekuestruar dy apartamente me vlerat 93 mijë paund dhe 351 mijë paund. Për të ka patur një mandat arresti që nga viti 2015.
Ai në atë kohë u arratis nga Londra dhe arriti që të dilte edhe jashtë Britanisë. Mirëpo, disa muaj më pas u arrestua në aeroportin e Lutonit, në afërsi të Londrës, teksa kthehej.
