Beteja me Covid-19, vazhdon të jetë e vështirë në Shtete e Bashkuara, ku numri i personave të prekur vazhdon të rritet. Themeluesi i Microsoft, Bill Gates, në një intervistë për “CNBC”, ditën e martë ka kritikuar përgjigjen e vonuar të testimeve dhe i ka quajtuar ato “humbje kohe”, duke arsyetuar se vonesa prej 48 orësh, që duhet për të dalë testi mund të shkaktojë përhapje të virusit.
“Ju nuk duhet të paguani dikë që të marrë një test që kërkon më shumë se 48 orë për të nxjerrë një rezultat. Përgjigjet duhet të dalin, sa më shpejt të jetë e mundur në mënyrë që dikush që është i infektuar të marrë masa, që mos rrezikojë infektimin e njerëzve të tjerë.” ka thënë miliarderi.
Në përgjithësi, koha e përgjigjes, për testet e koronavirusit kërkon disa ditë ose edhe një javë, sipas disa prej kompanive udhëheqëse të diagnostikimit të laboratorëve në SHBA.
Kjo vlen edhe për pacientët në spital dhe punonjësit e kujdesit shëndetësor, ku koha mesatare që është parashikuar për nxjerrjen e rezultatit, mund të ishte më shumë se dy ditë.
Gates, ka theksuar se duhet t’i jepet përparësi dhe sidomos personave më të rrezikuar.
“Ju duhet të jepni përparësi. Ju duhet të siguroheni që personave me të ardhura të ulëta, të cilët janë më të rrezikuar, të marrin rezultatet brenda 24 orëve” ka thënë ai.
Gjithashtu, zyrtarë të shëndetit kanë paralajmeruar se vonesa në kohë ka penguar përpjekjet e vendit për të parandaluar përhapjen e virusit, pavarësisht sa teste janë kryer.
g.kosovari
