Në testamentin e Kryepeshkopit të ndjerë, Janullatos, thuhet se të gjitha depozitat e tij financiare i përkasin Kishës së Shqipërisë. Ai ka lënë instruksione të qarta për përdorimin e këtyre fondeve, duke kërkuar që gjysma e shumës së depozitave të shpenzohet për përfundimin e Katedrales “Ngjallja e Krishtit” në Tiranë. Pjesa tjetër, sipas testamentit, duhet të ruhet dhe të investohet në mënyrë të duhur, për të siguruar të ardhura që do të përdoren për mbështetje të pagave të klerikëve dhe zhvillimin e programeve rinore të Kishës së Shqipërisë.
Në testamentin e tij, ai shpreh mirënjohje për Kishën e Shqipërisë për dashurinë dhe përkushtimin e tyre të përzemërt, duke e lënë pas një trashëgimi të rëndësishme për zhvillimin e kishës dhe rinovimin e strukturave të saj.
