Në një kohë kur parlajmërimet për sulme të mundshme terroriste sa vijnë e shtohen, krerët e shtetit u mblodhën në Tiranë për të diskutuar mbi masat e mara nga forcat e sigurisë.
Nën drejtimin e Presidentit të Republikës, në ambjentet e presidencës u mbajt mbeldhja e Këshillit të Sigurisë Kombëtare.
Mbledhja, e cila nisi rreth orës 19:30 zgjati gati 1 orë e 30 minuta dhe u zhvillua pa praninë e medias. Fillimisht u tha se do të kishte një deklaratë, por pas përfundimit të mbledhjes të gjithë të pranishmit u larguan. Kjo edhe për faktin se në takim u diskutuan informacione sekrete.
Në takim, krahas Presidentit ishin të pranishëm edh kryeministri Rama, Ministri i Jashtëm Bushati, Ministri i Brendshëm Tahiri, Shefi i Shtabit të të Përgjithshëm të Forcave të Armatosura Baze dhe Drejtori i SHISH Ajazi Lika.
Pas sulmeve terroriste ne Paris, të gjithë autoritetet shqiptare ishin në një linjë se Shqipëria nuk është imune ndaj ekstremizmit, dhe për t’u përballur me këtë rrezik, qeveria shqiptare ka miratuar një strategji të hartuar nga ekpertë vendas e të huaj.
Ministri i Brendshëm, Saimir Tahiri, ka deklaruar se qendrat tregtare, sheshet publike dhe institucione të ndryshme duhet të pajisen me masa shtese për parandalimin e akteve terroriste.
