Policia e Shtetit do të vijojë të jetë në gjendje maksimale gadishmërie. Pas ngjarjeve të Parisit dhe informacioneve për sulme të mundshme dhe në vendin tonë ka ardhur reagimi i Drejtorit të Përgjithshëm të Policisë së Shtetit Haki Çako.
Ai konfirmoi se do të vlerësohet çdo informacion dhe masat e përforcuara do të jenë në zbatim.
Sipas drejtorit Çako, është përpiluar një listë me persona që konsiderohen të rrezikshëm dhe me prirje terroriste. Të gjithë këta persona sipas tij po mbahen nën vëzhgim.
Sipas kreut të uniformave blu janë shtuar komunikimet dhe bashkëpunimi me aleatët për shkëmbimin e informacionit dhe koordinimin e hetimeve ndaj personave me rrezikshmëri.
