Terroristi i tretë i arrestuar, Youssef Zaghba, pas sulmeve të Londrës ku mbetën të vdekur 7 persona dhe 48 të tjerë u plagosën, ka qenë më parë i arrestuar në Bolonja dhe është lënë i lirë pavarësisht qëllimeve të tij për të fluturuar drejt Sirisë.
22-vjeçari i lindur në Fez të Marokut nga një nënë italiane dhe baba maroken, ishte i dyshuar pasi kërkonte të udhëtonte drejt Sirisë së copëtuar nga lufta vitin e kaluar, sipas Corriere della Sera.
Autoritetet italiane kishin paralajmëruar më parë ato angleze se 22-vjeçari ishte përpjekur të udhëtonte në Siri, për arsye të cilat nuk i kishte zbuluar.
Ai u arrestua një vit më parë në aeroportin e Bolonjës me një biletë vetëm vajtjedrejt Stambollit. Me vete nuk kishte gjë tjetër veçse një çantë të vogël shpine, një pasaportë dhe një celular, gjë që tregonte se e prisnin atje./a.ç
