Muret anësore të kështjellës së Gjirokastrës po degradojnë. Në dy ditët e fundit, kjo është pamja që të ofron nga pjesa jugore, kalaja e Gjjirokastrës. Muri anësor është shembur dhe në tentativë qëndron një i dytë.
Paqëndrueshmëria bazale e murit si pasojë e erozionit kohor dhe mungesës së rehabilitimit, janë faktorë të cilët kanë cuar në këtë gjendje alarmi, themelet e objektit shekullor siç është kalaja.
Banorë të lagjes Pazari i Vjetër të cilëve kalaja i’u qëndron mbi kokë, rrojnë me frikën se një ditë do ta pësojnë nga rënia e gurëve, nëse nuk merren masa konkrete nga DRKK apo Bashkia e Gjirokastrës.
Shembja e murit, mund të jetë provokuar nga tronditjet që sollën lëkundjet e tërmetit të para disa ditëve në Gjirokastër apo dhe rreshjeve të shiut ditëve të fundit në rajon.
Ndërkaq konfirmohet nga drejtoria Rajonale e Monumenteve të Kulturës, që ndërhyrja në zonën e shembur nuk do të vonojë.
Jugunews/d.i.
