7 pallate deri më tani janë shembur në qytetin e Laçit pasi u shpallën të pabanueshëm pas tërmetit të 26 nëntorit. Ndërkohë vijon puna për largimin e inerteve dhe pastrimin e plotë të zonës. Në total janë shpallur të pabanueshëm 60 pallate në Laç.
Inertet po dërgohen në zonën e Porto Romanos në Durrës, ndërsa synohet që ky proces të përfundojë brenda javës që vjen. Në qytetin e Laçit janë shpallur të pabanueshëm 60 pallate të cilët kanë pësuar dëmtime serioze nga tërmeti i 26 nëntorit. Deri më tani vetëm 7 prej tyre janë shembur, ndërsa për të tjerët ende nuk ka një vendim përfundimtar.
Burime nga Bashkia e Kurbinit bëjnë me dije se objektet e dëmtuara po verifikohen sërish nga ekspertë më të specializuar të cilët do të thonë fjalen e fundit se si do të veprohet me këto godina. Në pallatet të cilat do vendoset për rikonstruksion do të nisë puna menjëherë ndërtesa e tjera do shemben plotësisht.
Shqiptarja.com
