Një tërmet ka rënë ditën e sotme në bregdetin shqiptar, i cili është ndier edhe në brigjet e Italisë, më konkretisht në Puglia.
Tërmeti ka goditur Himarën dhe ishte me intensitet të ulët 3.6 ballë, në një thellësi prej 2 kilometrash. Nuk është raportuar për të lënduar apo për dëme materiale raporton Mapo.
Lëkundjet e tërmetit janë ndjerë edhe nga banorët e zonës.
Disa javë më parë, më 16 mars, brigjet shqiptare u goditën nga një tjetër tërmet 4 ballë me epiqendër në Vlorë, i cili gjithashtu u ndje edhe në brigjet italiane.
