Tri ditë para ndeshjes me Gjetan Ketën, kundërshtari i tij turk, Sulltan Goklap Ozekler, është tërhequr, për arsye shëndetësore. Në vend të tij, në ring do të ngjitet një tjetër boksier turk, Turgay Uzun, i zgjedhur nga Federata një Turke. Uzun është boksier me më shumë përvojë se Sulltani dhe Ismail Keta, vëllai i madh e trajneri i Gjetanit, e cilëson si të qëllimshëm këtë veprim. Ismaili thotë se federata turke ka ndjekur këtë strategji për ta vënë sa më shumë në vështirësi Gjetanin, pasi ky na ka pasur mundësi ta studiojë kundërshtarin e ri.
Megjithatë, Gjetani është shprehur se ka besim se do ta mundë kundërshtarin, superior në letër.
Vëllezërit Keta kanë bërë të ditur se përmes kësaj ndeshjeje duan edhe të promovojnë Shqipërinë, pasi takimi për titullin botëror në versionin WBV do të ndiqet direkt në 129 vende.