Videon e të miturit shqiptar që bëri shqiponjën në ndeshjen Inter-Bayern Munchen, serbët e kanë pritur shumë keq. Media serbe “Kurir” shkruan se në vend të aftësive futbollistike, doli në pah “provokimi politik” që sipas tyre ka bërë një i mitur.
Teksa ekipet së bashku me arbitrat po qëndronin afër qendrës së fushës, një nga djemtë, pikërisht në momentin që kamera kalonte para tij bëri shqiponjën.
I vogli duket se donte që ta tregonte origjinën e tij, ndaj në momentin që himni i Champions po luhej, ai pa nga kamera dhe bëri shqiponjën me duar. Por ky gjest mund t’i kushtojë para të miturit ose prindërve të tij.
Kjo pasi FIFA dhe UEFA kanë ndaluar bërjen e këtij simboli që konsiderohet si i papranueshëm. Madje tre lojtarët shqiptarë të Zvicrës që kanë bërë të njëjtin gjest u dënuan me 25 mijë franga./m.j
