Marc Andre ter Stegen ia ka dhënë një “goditje” Barcelonës, duke mos siguruar se do të qëndrojë gjatë në “Camp Nou”, raporton zeri.info.Portieri gjerman e ka dhënë një intervistë për “La Vanguardia”, ku ka folur për të ardhmen, për të cilën duket mjaft i pavendosur.
“A e shoh veten këtu për shumë vite? Nuk e di”, ka thënë fillimisht portieri i gjigantit katalunas, për të vazhduar më pas: “Unë mundohem ta jap gjithmonë më të mirën nga vetja për skuadrën, që ta jap maksimumin dhe që të përmirësohem”, nënvizoi ai.
“Nuk i dihet kurrë se çka vjen pastaj. Unë e jetoj momentin, kjo është gjëja më e rëndësishme për mua. Jam i lumtur këtu me kolegët dhe miqtë dhe shpresoj të fitoj shumë trofe tjerë, ky është objektivi im”, përfundoi Ter Stegen. Sipas medieve spanjolle, portieri kualitativ pëlqehet nga Manchester City, përgatiti ”Zëri”. (b.an)
