Marc-Andre ter Stegen ka thënë se mund të jetë i detyruar të largohet nga Barcelona nëse ai nuk luan më shpesh. Gardiani gjerman vazhdimisht është përdorur në Kupën e Mbretit dhe në Ligën e Kampionëve, derisa për La Liga Luis Enrique ka preferuar Claudio Bravon.
Ter Stegen në fillim të këtij viti ishte lidhur me një transferim te Liverpooli, por më vonë ka thënë se nuk po i ngutet që të marrë vendim. Por 23-vjeçari tani ka paralajmëruar se mund të shqyrtojë vendimin për largim nga Camp Nou nëse nuk ndryshon situata e tij te Barça, referon Express.
“Dua të bëj hapin e ardhshëm dhe të luaj më shumë. Pra situata është e qartë: nëse nuk ndryshon, ne do të flasim”, ka thënë Ter Stegen për TZ-në. “Në futboll, nganjëherë gjërat ndryshojnë shpejt”.