‘YouTube po ‘promovon teori konspirative duke pretenduar se masakra në Las Vegas ishte një mashtrim. Si ‘provë’ ata kanë pretenduar se fotoja e një vajze të re është shfaqur në disa sulmetë ngjashme me armë, përfshirë sigurisht edhe Vegasin, raporton “The Guardian.”
Vetëm disa ditë pasi një person i armatosur hapi zjarr na suita e tij në hotelin “Mandalay Bay” duke vrarë 58 persona dhe duke plagosur më shumë se 500 të tjerë, disa teori tronditëse pushtuan rrjetin.
Videot, në të cilat dyshohej nëse të shtënat ndodhën me të vërtetë dhe pretendohet se qeveria kishte gënjyer rreth fakteve bazë tashmë kanë mbledhur miliona shikime në YouTube dhe po vazhdojnë të shikohen.
Duket se YouTube po ndihmon në mënyrë aktive që këto video të arrijnë audienca të gjera. Kërkimi i “videove nga sulmi në Las Vegas” menjëherë çon në një gamë të gjerë videoesh virale që sugjerojnë se zbatimi i ligjit dhe të tjerët kanë mashtruar qëllimisht publikun.
Disa e etiketojnë tragjedinë si një “flamur të rremë”, një term që përdorin zakonisht teoricienët e konspiracionit për t’iu referuar sulme masive që ata thonë se janë organizuar nga qeveria për të avancuar kontrollin e armëve. /Albeu/b.d
https://www.youtube.com/watch?time_continue=52&v=Jgf-mRPlShw
