Policia e Beratit ka vënë në pranga 2 drejtues mjetesh, pas tentativës së tyre për të korruptuar oficerët e policisë rrugore.
Në pranga ka rënë Beshir Kashari, 27 vjeç, banues në Berat. Ai u arrestua pasi është ndaluar nga patrulla e policisë rrugore në aksin rrugor Kutalli-Goriçan, për arsye se ka qënë duke drejtuar automjetin pa rrip sigurimi.
Në momentin e ndalimit ky shtetas ka tentuar t’i japë punonjësit të policisë 1 kartëmonedhë 10 euro-she për të shmangur masën administrative.
Po ashtu është arrestuar edhe Yzeir Dervishi 57 vjeç, banues në Berat, pasi është ndaluar nga patrulla e policisë rrugore në aksin rrugor Poshnje-Velmish, për arsye se ka qënë duke drejtuar mjetin motor pa kaskë mbrojtëse dhe pa leje drejtimi.
Në momentin e ndalimit ky shtetas ka tentuar të korruptoj punonjësin e policisë duke i ofruar 1 kartëmonedhë 1000 lekëshe për të shmangur masën administrative.
Materialet në ngarkim të shtetasve të mësipërm i kaluan Prokurorisë së Rrethit Gjyqësor Berat, për veprën penale “Korrupsion aktiv i personave që ushtrojnë funksione publike”./b.d
