Policia e Durrësit ka zbardhur ngjarjen e ndodhur në 8 Gusht, ku mbeti i plagosur me armë zjarri një 25-vjeçar. Autoritetet sqarojnë në pranga ka rënë Hamdi Llana, 31 vjeç, pasi akuzohet se plagosi me armë zjarri Ilges Spaneshin, 25 vjeç.
Ngjarja ndodhi mbrëmjen e 8 Gushtit, ku Llana dhe Spaneshi u konflikuan për motive të dobëta. Sipas policisë 31-vjeçari ka tentuar të vrasë me armë zjarri shtetasin 25 vjeçarin, i cili si pasojë e të shtënave është plagosur në këmbë.
Spaneshi ndodhet ende në spital nën kujdesin e mjekëve, jashtë rrezikut për jetën. Tashmë 31-vjeçari, Hamdi Llanaj akuzohet për veprat penale “Vrasja me dashje” mbetur ne tentativë dhe “Armëmbajtja pa leje”.
/a.r
