35 vjet burg i ka kushtuar Taulant Xhinit tentativa për të vrarë policët që e arrestuan. I njohur si “i forti” i Sarandës, Xhini qëlloi me armë drejt policisë gjatë kohës kur efektivët kishin shkuar në Ksamil për ta arrestuar, në një banesë ku ai ndodhej i fshehur.
Shtetasi ishte në kërkim pasi kishte plagosur rojen e një hoteli, por pas kundërshtimit të policisë atij iu shtua edhe një tjetër akuzë, “Vrasja e e mbetur në tentativë të punonjësve të policisë”.
Arrestimi i Xhinit u bë në 2015-n nga forcat RENEA në Sarandë. Prokuroria kërkoi 35 vjet burg për të dhe gjykata la në fuqi të njëjtin dënim. I riu mohoi akuzën dhe tha se nuk ka qenë ai në banesën nga është qëlluar policia.
