Policia jep detaje në lidhje me ngjarjen e ndodhur mbrëmjen e 14 marsit të këtij viti ku mbeti i plagosur një person.
Mbrëmjen e 14 marsit, në rrugën “Prokop Mima” u plagos në këmbë me armë zjarri shtetasi Enea Teqja 29 vjeç.
Policia njofton se ka identifikuar dhe shpallur në kërkim autorin e dyshuar të plagosjes, A. B., 30 vjeç, banues në Tiranë.
Ky person në rrugën ‘’Prokop Mima’’, dyshohet se ka tentuar të vrasë me armë zjarri, 29 vjeçarin Enea Teqja.
Gjithashtu njoftohet se ka nisur procedim penal në gjëndje të lirë për H.I., 26 vjeç, banues në Fushë-Krujë, pasi ka dhënë deklarim të rremë përpara oficerit të policisë Gjyqësore.
Materialet iu referuan Prokurorisë së Rrethit Gjyqësor Tiranë për veprime të mëtejshme./
