Një 56-vjeçar shqiptar është ekstraduar nga Greqia drejt vendit tonë pasi ishte shpallur në kërkim ndërkombëtar. Ai është Hashim Isufi 56 vjeç, i dënuar me 18 vite burg nga Gjykata e Tiranës për vrasje me paramendim e mbetur në tentativë dhe armëmbajtje pa leje.
Në Mars të vitit 1998, 56-vjeçari Isufi tentoi të vriste qytetarin me iniciale L.V., duke e plagosur rëndë me pistoletë.
Ngjarja ndodhi në fshatin Ferraj të Tiranës për motive të dobëta. Hashim Isufi ishte arrestuar në Greqia pasi ishte shpallur në kërkim ndërkombëtar nga Interpol Tirana.
a.ç
