Policia ka dhënë njoftim zyrtar për 39- vjeçarin i cili tentoi të vetëdigjet para kryeministrisë ditën e sotme në Tiranë.
Në njoftim zyrtar, thuhet se U.K, mbante një shishe benzinë në dorë dhe dyshohet se kërkonte të vetëdigjej.
Ai u shoqëruar menjëherë nga Forcat ‘’Shqiponja’’ dhe grupi hetimor po punon për zbardhjen e plotë të ngjarjes.
NJOFTIMI NGA POLICIA
Tiranë/Informacion paraprak
Më datë 18.07.2020, tek bulevardi “Dëshmorët e Kombit”, shtetasi U.K., 39 vjeç, mbante një shishe benzinë në dorë dhe dyshohet se kishte për qëllim të vetëdigjet. 39 vjeçari është shoqëruar nga Forcat e Posaçme “Shqiponja”. Grupi hetimor dhe shërbimet e Policisë vijojnë punën për zbardhjen e plotë të rrethanave të ngjarjes.
Nderkohe ”BalkanWeb” raporton se 39- vjeçari që tentoi të vetëdigjet para kryeministrisë është taksist që i kanë hequr patentën.
Policia informoi se ai kishte një shishe benzinë me vete dhe menjëherë u ndalua nga Forcat ‘’Shqiponja’’ dhe u shoqërua në komisariat.
