Dy persona në Durrës, kanë rënë në pranga për vepra të ndryshme penale.
Specialistët e Seksionit për Hetimin e Krimit Ekonomik dhe Financiar në DVP Durrës kanë arrestuar 21 vjeçarin B.A., banues në Kosovë.
Arrestimi u bë pasi gjatë kontrollit të ushtruar në Pikën e Kalimit Kufitar Durrës, 21-vjeçari ka tentuar të kalojë kufirin me dokumente (ID dhe leje drejtimi) të dyshuara të falsifikuara.
Gjithashtu në pranga ka rënë edhe 53-vjeçari P.M., nga Durrësi pasi në lagjen Nr.6, duke drejtuar në gjendje të dehur mjetin tip “ Land Rover ” është përplasur me mjetin tip “Hondai” me drejtuese shtetasen G.H.
Fatmirësisht nuk janë shkaktuar viktima, por si për pasojë e përplasjes janë shkaktuar vetëm dëme materiale.
Ndërkohë materialet i kaluan Prokurorisë së Rrethit Gjyqësor Durrës për veprime të mëtejshme./ b.h
