Një shqiptar është përpjekur që t’i arratiset policisë britanike duke u larguar nga çatia e ndërtesës ku ruante rrënjët e kanabisit. Shqiptari në fjalë u kap më 8 Shkurt të këtij viti.
Autoritetet britanike zhvilluan një operacion në Sheringham dhe zbuluan në dy apartamente të ndryshme rreth 150 rrënjë kanabisi.
Në pranga ra Oskeol Zalli, i cili në momentin e mësymjes së autoriteteve kishte tentuar të ngjitej në çati. 20-vjeçari u vu në pranga pasi u dorëzua në kopsht.
Ai i tha autoriteteve se kishte shkuar në Britani si kopshtar dhe ishte arratisur pasi kishte menduar që policët “ishin persona që kishin shkuar për t’i vjedhur kanabisin”.
Zalli ka thënë se kishte takuar një person në Belgjikë 5 muaj më parë dhe kishte shkuar në Britani me kamion. Ai i dëshmoi policisë se ishte i detyruar që të punonte në shtëpinë e kanabisit pasi i kishin kërcënuar familjen.
Zalli e pranoi pafajësinë që në një seancë dëgjimore ditën e djeshme. Me gjithë arsyetimet e të riu, në fund u vendos që 20-vjeçari të vuajë 12 muaj në një institucion dënimi për të rinjtë.
/a.r
