Nje tentative vrasje sot ne Ksamil, ku eshte tentuar te ekzekutohet shtetasi Agron Xhezairi, babai i te shumekerkuarit Albi Xhezairi. 53-vjecari Agron Xhezairi, ka njoftuar policine e Sarandes se ne automjetin e tij “Benz”, teksa ishte duke udhetuar, në sediljen e pasme, ka konstatuar një lëndë të mbështjelle me një qese plasmasi, 2 fije teli të lidhura me një aparat celulari.
U njoftua reparti xhenier i “Renea”, Tiranë te cilet kryen caktivizimin. Ende po punohet për përcaktimin e llojit të lëndës plasëse, identifikimin e kapjen e autorit dhe sqarimin e plotë të rrethanave të ngjarjes. Djali i tij, Albi Xhezairi eshte i shpallur ne kerkim per vrasjen e Aleksander Bardhit ne Shendelli. Policia ka nisur hetimet per veprat penale, “vrasje me dashje mbetur ne tentative” dhe “mbajtje pa leje te armeve luftarake dhe municionit”.
NGJARJA
Policia e Sarandës ka njoftuar se ka dokumentuar tashmë gjithë ngjarjen e ndodhur në 24 shtator të këtij viti, ku mbeti i vrarë shtetasi Aleksandër Bardhi, vëllai i ish-kreut të njësisë Administrative, të Kaçinarit.
Autorët
Gjatë veprimeve hetimore intensive u zbuluan dhe arrestuan autorët e vrasjes: Dhimitër Ciko, 20 vjeç, banues në Ksamil, i dënuar më parë për “Trafikim Narkotikësh”; A.L., 18 vjeç, banues në Ksamil. Ndërkohë që është shpallur në kërkim A.Xh., 20 vjeç, banues në Ksamil, i dënuar më parë për “Vjedhje”.
Zbulimi i armës në shtëpinë e autorit
Gjatë kontrollit të ushtruar në banesën e shtetasit A.Xh., janë gjetur dhe sekuestruar në cilësinë e provës materiale 3 armë zjarri “Automatik-model 56” si dhe 3 krëhëra të mbushur me fishekë, të cilat u dërguan për ekzaminime laboratorike.
Nga ekzaminimet laboratorike që u është nënshtruar këtyre armëve, ka rezultuar se të tre armët e mësipërme kanë realizuar qitje në vendin e ngjarjes për vrasjen e Aleksandër Bardhit.
Gjithashtu, Policia bën me dije se këta shtetas janë autorë në lidhje me një ngjarje tjetër të ndodhur në datën 21.09.2016, ku në vendin e quajtur “Kthesa e shëtitorës” Ksamil, është qëlluar me armë zjarri në ajër, ngjarje për të cilën grupi hetimor ka gjetur dhe sekuestruar në cilësinë e provës materiale 6-gëzhoja automatiku model 56, të kalibrit 7.62 mm.
Si rezultat i ekzaminimeve të kryera për 3 armët e mësipërme për vrasjen e Aleksandër Bardhit, ka rezultuar se 1 prej tyre është përdorur në këtë ngjarje të Ksamilit. Punohet për kapjen e shtetasit në kërkim.
ma.me
