Konferenca e përbashkët për shtyp e sekretarit të përgjithshëm të OKB-së Antonio Guterres dhe ministrit të jashtëm rus Sergei Lavrov është zhvilluar me tone të ashpra.
Duke folur për propozimet e OKB-së për qytetin e rrethuar të Mariupolit, Guterres tha se organizata ishte “gati të mobilizojë plotësisht burimet e saj njerëzore dhe logjistike” për të ndihmuar në shpëtimin e jetëve dhe evakuimin e njerëzve.
Guterres tha se “mijëra civilë kanë nevojë urgjente për ndihmë humanitare shpëtimtare” në qytet.
Ai propozoi gjithashtu bashkëpunim me Kryqin e Kuq për të mundësuar largimin e njerëzve të ngujuar brenda fabrikës së çelikut Azovstal në Mariupol.
g.kosovari
