Kryeministri Edi Rama komentoi tensionet e fundit mes PS-së dhe LSI-së. Nga studioja e emisioni “Të paeksozuarit” në News 24 përballë Ylli Rakipit, Rama mohoi të ketë sulmuar presidentin e zgjedhur.
“Nuk ka lidhje me Ilir Metën, por me një sistem të krijuar prej disa vitesh. Unë nuk flas për partitë. Po të them është sistemi që është ndërtuar për të kapur shtetin dhe për të përdoruar zyrat për të punësuar aktivistë partie dhe për të rritur influencën e partive, ku një parti ka pyjet, një sardelet, një pyjet etj”, tha Rama.
Po ashtu ai tha se nuk ka asnjë marrëveshje kundër partive të vogla, referuar paktit me kreun e PD Basha.
Pjesë nga intervista:
Rakipi: Kush janë shushunjat?
Rama:Dëgjuat ndonjë sulm për Metën?
Rakipi:Ju flisni për policinë gri…?
Rama: Nuk ka lidhje me Ilir Metën, por me një sistem të krijuar prej disa vitesh. Unë nuk flas për partitë. Po të them është sistemi që është ndërtuar për të kapur shtetin dhe për të përdoruar zyrat për të punësuar aktivistë partie dhe për të rritur influencën e partive, ku një parti ka pyjet, një sardelet, një pyjet etj. Dhe këta i caktojnë partitë. Këta njerëz nuk ndjehen të detyruar ndaj qytetarëve, por ndaj partive.
Rakipi: Edhe për partinë tuaj?
Rama:Ne kemi nisur të shohim një ndryshim në administratën e lartë, ndërsa pjesa e poshtme është keq. Ne marrim votat në popull dhe logjika thotë se partia e parë është fituese e zgjedhjeve. Fituesi është ai që ka mandatuar qytetari me votën më të madhe. Nëse PS nuk i ka votat, prapë do vendoset tepsia para.
Rakipi: Njëri nga aspektet e marrëveshjesh ishte emërimi i 6 ministrave…po tjetër?
Rama: Thelbi i marrëveshjes është fakti se qeveria dhe opozita do jenë në negociatë për hapjen e negociatave. Opozita do njoh rezultatin se kush do humbas në zgjedhje. Do ndajnë debatin. Debati i brendshëm vazhdon s’ka problem, ndërsa në raport me objektivin për tu futur në BE, janë avokat të futjes së vendit në BE.
Rakipi: Ju dhe Basha i jeni kthyer Atdheut dhe keni lënë mënjanë mëritë…
Rama: Kjo keni lënë mënjanë mëritë është e ekzagjeruar, Ne kemi bërë një marrëveshje në letër historike. Në realitet nuk e dimë se si do jetë. Marrëveshja në letër çon përpjekjen tonë për të bërë një shtet serioz në sy të partnerëve. Ne u bëmë për kaq shumë vite gaz i botës, duke shkuar në Bruksel duke folur jo si dy palë për të njëjtin shtet, por si dy shtete.
Rakipi: 5 orët tuaja që nuk janë transparente…
Rama: Pse?
Rakipi: Sepse ditë pas dite u zbulua diçka tjetër. Betë sulm ndaj të tjerëve, Kundër Metës dhe PDIU-së.
Rama: S’më intereson fare se ça bën Lulzim basha.
Rakipi: Ju nuk kishit marrëveshje kundër të vegjëlve?
Rama: Jo fare. Mos i ngatërroni gjërat.
