Ministria e Mbrojtjes e Shqipërisë tha të shtunën se ministri i Mbrojtjes Nikos Dendias refuzoi një ftesë për hapjen e një baze ajrore të rinovuar të NATO-s në Kuçovë në fillim të marsit, duke hedhur poshtë një raport të shtypit se zyrtari grek ishte injoruar.
Ministria e Mbrojtjes e Shqiprise hedh poshtë pretendimet e mediave greke të cilat në një artikull të shpërndarë së fundmi, e cilësuan si “paturpësi” mungesën e ftesës ndaj Greqisë për inagurimin e bazës ajrore të NATO-s në Kuçovë më 4 mars.
Dokumenti i datës 29 janar të këtij viti është një ftesë zyrtare nga ministri i Mbrojtjes Niko Peleshi ndaj homologut të tij grek Nikos Dendias, për të marrë pjesë në inagurimin e bazës ajrore të Kuçovës në 4 mars.
Sqarim i MM:
Në vijim të lajmit të shpërndarë nga gazeta greke Kathimerini, më poshtë gjeni shpjegimin e Ministrisë sonë të Mbrojtjes, publikuar nga të njëjta media.
https://www.kathimerini.gr/politics/562925425/ti-leei-to-alvaniko-ypoyrgeio-amynas-gia-tin-teleti-stin-koytsova/
“Shqipëria dhe Greqia gëzojnë një nivel shumë të mirë bashkëpunimi në fushën e sigurisë dhe mbrojtjes si aleatë të përkushtuar të NATO-s. Jemi mirënjohës ndaj Greqisë (dhe Italisë) që për vite me radhë kanë kryer Policimin Ajror për vendin tonë. Me të njëjtën qëllim, më 29 janar, Ministri i Mbrojtjes së Shqipërisë dërgoi një ftesë zyrtare homologut të tij grek për të bërë një vizitë zyrtare në Shqipëri, që përkonte në të njëjtën kohë me ceremoninë e inagurimit të Bazës Taktike Ajrore të Kuçovës. Më 14 shkurt, morëm përgjigjen se për shkak të angazhimeve të paracaktuara, Ministri i Mbrojtjes Dendias nuk do të mund të merrte pjesë në ceremoninë e 4 marsit. Në vend të tij, zyrtarë të lartë nga Ambasada e Greqisë në Tiranë morën pjesë në këtë ceremoni.
Jemi të keqardhur për lajme të tilla që nuk pasqyrojnë të vërtetën dhe realitetin në lidhje me bashkëpunimin tonë me shtetin tonë fqinj, Greqinë dhe që nxisin keqkuptime mes dy vendeve tona mike”.
