Ministri i Brendshëm i Malit të Zi, Sergej Sekuloviç bëri thirrje për qetësimin e tensioneve përpara kurorëzimit të dielën të mitropolitit të Kishës Ortodokse Serbe (KOS) në Cetinje dhe protestave nga patriotët malazezë që kërkojnë që riti të zhvendoset në një vend tjetër.
Kisha Ortodokse Serbe njoftoi se akti fetar i kurorëzimit të Mitropolitit Janikus do të mbahet në Manastirin e Cetinjes të dielën. Për të qetësuar tensionet dhe shmangur konfliktet, besimtarëve iu tha që të mos vijnë në Cetinje, dhe ceremonia fetare do të mbahet ekskluzivisht në praninë e priftit dhe patriarkut të Kishës Ortodokse Serbe Porfirio, i cili do të mirëpritet sot në Podgoricë.
Patriotët malazezë e shohin qëllimin e Kishës Ortodokse Serbe për të mbajtur një ceremoni fetare të kurorëzimit në kryeqytetin historik dhe fetar malazez të Cetinjes si një akt provokimi dhe nënçmimi të malazezëve, dhe në deklaratat për mediat ata theksojnë qartë se nuk do ta lejojë këtë të ndodhë.
Të premten, pas sesionit të Këshillit të Sigurisë Kombëtare, Selakoviç shprehu shqetësim për tensionet ekzistuese dhe u tha qytetarëve se policia malazeze do të mbrojë të drejtat dhe liritë kushtetuese të banorëve.
g.kosovari
